Politika e privatësisë

• ✕Emrin, emailin, numrin e telefonit apo adresën — përveç nëse na shkruan ti vetë.
• ✕Llogari përdoruesi — sepse nuk ekziston fare.
• ✕Të dhëna pagese — nuk pranojmë pagesa online.
• ✕Lokacionin tënd.
• ✕Kontaktet, fotografitë apo skedarët e pajisjes.

Kur ruan një veturë në listën tënde ose në Garazhë, ajo ruhet vetëm në pajisjen tënde — në shfletuesin ose në telefonin tënd. Nuk dërgohet te ne dhe ne nuk e dimë se cilat vetura ke ruajtur. Nëse pastron të dhënat e shfletuesit ose e çinstalon aplikacionin, lista fshihet përfundimisht.

Nëse zgjedh “Më njofto për vetura të reja” në aplikacion, ruajmë dy gjëra: kriteret e kërkimit tënd (për shembull “BMW Seria 5, deri 100.000 km”) dhe një kod teknik njoftimi që na jep Apple ose Google.

Ai kod identifikon instalimin e aplikacionit, jo ty. Nuk përmban emrin, emailin apo numrin tënd, dhe nuk mund të përdoret për të të identifikuar. Shërben vetëm për të dërguar njoftimin. Kur e fshin kërkimin e ruajtur te Informata → Njoftimet, fshihet edhe kodi.

Përdorim Google Analytics për të kuptuar sa vizitorë kemi dhe cilat faqe shikohen më shumë. Kjo aktivizohet vetëm nëse ti pranon te shiriti i cookies. Nëse zgjedh “Refuzo”, Google Analytics nuk ngarkohet fare dhe asnjë cookie statistikash nuk vendoset.

Aplikacioni në telefon nuk përdor fare Google Analytics dhe nuk ka asnjë mjet gjurmimi.

Nëse na telefonon, na shkruan në WhatsApp ose me email, natyrisht e shohim numrin ose adresën nga e cila na shkruan. E përdorim vetëm për t’u përgjigjur pyetjes sate rreth veturës. Nuk e shtojmë në ndonjë listë reklamash.

Informacionet për veturat — fotografitë, kilometrazhi, viti, raportet e inspektimit — vijnë nga Encar, platforma më e madhe e veturave të përdorura në Korenë e Jugut. Këto janë të dhëna për veturat, jo për ty.

Meqë nuk mbajmë të dhëna personale për ty, nuk ka çfarë të kërkosh të fshihet. Nëse beson se kemi ndonjë të dhënë tënden, na shkruaj dhe e fshijmë menjëherë.

Për çdo pyetje rreth privatësisë: [email protected]